خانى نیوز
وه‌زاره‌تا ناڤخۆییا هه‌رێما كوردستانێ د راگه‌هاندنه‌كێ دا دیاركرییه، كو بریارا گه‌شتكرنا وه‌لاتیێن ئیراقی ل رێكێن سنورێن هه‌رێما كوردستانێ بۆ وه‌لاتێ لوبنانێ قه‌ده‌غه‌كرییه.
ئه‌ڤرۆ رۆژا شه‌مبى 26-12-2020ێ ل دووڤ راگه‌هاندنا وه‌زاره‌تا ناڤخۆییا هه‌رێما كوردستانێ و ئیمزایا رێبه‌ر ئه‌حمه‌د وه‌زیرێ ناڤخۆیی ل سه‌ره هاتییه، كو قه‌ده‌غه‌یا هاتنا كه‌سێن بیانى ژ وه‌لاتێ لوبنانێ كو ل دوماهیكا 25-12-2020ێ ل وى وه‌لاتى بوون هاتییه قه‌ده‌غه‌ركرن، ژبلى ئاژانس و رێكخراوێن نێڤده‌وله‌تى و هه‌ڤپه‌یمانان و یوئێن و رێكخراوێن دیپلوماتكارى و شاندێن فه‌رمى رێك ب وان دهێته دان و لدویڤ رێنماێن ساخله‌میێ.
ئاماژه ب وێ چه‌ندێ ژى كرییه كو ئه‌و وه‌لاتیێن ژ لوبنانێ ڤه‌دگه‌رنه ڤه دێ هێنه گه‌ره‌نتینكرن و ل دووڤ رێنمایێن وه‌زاره‌تا ساخله‌میێ.
وه‌زاره‌تا ناڤخۆیى ئاشكرا كرییه كو ئه‌ڤ بریاره ژ رۆژا 26-12-2020ێ دێ هێته بجهكرن و هه‌تا 15-1-2021ێ ل ده‌مژمێر 12:00 دێ یا به‌رده‌وام بیت.
به‌رى نوكه د راگه‌هاندنه‌كێ دا وه‌زاره‌تا ناڤخۆییا هه‌رێما كوردستانێ گه‌شتكرنا وه‌لاتیێن ئیراقی د رێكا خالێن سنورێن هه‌رێما كوردستانێ بۆ وه‌لاتێن ( به‌ریتانیا، باشورێ ئه‌فریقیا،ئوستورالیا، دایمارك، هوله‌ندا، به‌لجیكا،كومارا ئیسلامیا ئیرانێ و ژاپوون) قه‌ده‌غه‌كرییه.
زێده‌تر ژ دوو حه‌فتییه ل وه‌لاتێ به‌ریتانییا ڤایروسێ كورونا به‌لاڤبوویه، و بۆ خۆ پاراستن ژ ڤى ڤایروسى حكومه‌تا ئیراقێ و هه‌رێما كوردستانێ رێكێن تووند داناینه و ژبلى به‌ریتانییا ل لوبنانێ ژى كورونایا نوو هاتییه توماركرن و بۆ وێ مه‌ره‌مێ ژى حكومه‌تێ گه‌شتكرنا هاوه‌لاتییان قه‌ده‌غه‌كرییه.
