بالیۆزێ هۆلهندا ل عێراقێ، راگههاند، كو خۆشحالین ب پێنگاڤا پرۆسهیا چاكسازیێ و رێكخستنا هێزێن پێشمهرگهى و ل ژێر دهستههلاتا وهزارهتا پێشمهرگهی، و دبێژیت رێكخستنا هێزێن پێشمهرگهى و پشتگیرییا نیڤدهولهتى بۆ ههرێما كوردستانێ و وهزارهتا پێشمهرگهى دێ پتر لێكهین.
ل دووڤ راگههاندنا سهنتهرێ میدیایێ وهزارهتا پێشمهرگهى، ئهڤرۆ پێنجشهمبى 29-7-2021ێ مایكل رینتینر، بالیۆزێ هولهندا ل عێراقێ، هانس ئهكیربوم، كونسولێ گشتیێ هۆلهندا ل ههرێما كوردستانێ، سكرتێرێ دوێ ل بالیۆزخانا هۆلهندا ل بهغدا و كۆلۆنێل یان شیرهتكارێ سهربازیێ هۆلهندا ل ناڤ هێزێن ههڤپهیمانیێ سهرهدانا وهزارهتا پێشمهرگهى كر.
د راگههاندنێ دا هاتییه، كو شاندێ مێهڤان خۆشحالییا خوه دهربرى و راگههاند، ئهم ل ڤێرێ ل ههرێما كوردستانێ ههست ب ئاشتى و ئارامییهكا زۆر دكهین، ئهڤ ئاشتى و ئارامییه ژى بۆ شیانێن پێشمهرگه و هێزێن ئێمناهیێ ڤهگهراند.
ژلایێ خوه ڤه بریكارێ وهزارهتا پێشمهرگهى، رۆلێ شیرهتكارێن هۆلهندى د مهشق و راهێناناندا و شیرهتكارییا وان بۆ پێشمهرگهى بلند نرخاند،ئامادهبوونا خوه نیشاندا، بۆ ههموو ههڤكارى و ههماههنگییهكێ دگهل ههڤپهیمانان و شیرهتكارێن سهربازێن هۆلهندى بۆ بهرهڤ پێشڤهبرن و باشتركرنا پهیوهندییان.
