مه‌سرور بارزانى: جینۆسایدا بارزانییان دەستپێكا تاوانێن ژناڤبرن و وێرانكرنا كوردستانێ بوو

ل یادا جینۆسایدا بارزانییان سه‌رۆكێ حكومه‌تا هه‌رێما كوردستانێ په‌یامه‌ك به‌لاڤكر و تێدا هاتییه‌؛ جینۆسایدا بارزانییان دەستپێكا چەند تاوانێن دی یێن ژناڤبرن و وێرانكرنا كوردستانێ بوو.

مەسرور بارزانی راگه‌هاند؛ ئه‌ڤرۆ دا 38 سال ب سه‌ر جینۆسایدا بارزانى دا ده‌ربازبوون، د كریاره‌كا نه‌ژادپه‌رستى دا ب هزاران بارزانیێن بێتاوان ژبه‌ركو ب تنێ كورد بوون، راده‌ستى بیابانا باشوورێ ئیراقێ كرن و كۆمەلكوژی پێهاته‌ کرن.

جینۆسایدا بارزانییان بۆ دەستپێكا چەند تاوانێن دی یێن ژناڤبرن و وێرانكرنا كوردستانێ، كو سالێن پاشتر رژێما بەعس د چەند قۆناغان دا دەست ب ئەنفال و كیمیابارانکرنا هەلەبجە و وێرانكرنا هزاران گوند و باژێرێن كوردستانێ کر.

د په‌یاما سه‌رۆكێ حكومه‌تا هه‌رێما كوردستانێ هاتییه‌؛ تا نها ژ ئالیێ حكومه‌تا ئیراقێ قه‌ره‌بوویا كه‌سوكارێن قوربانیان نه‌هاتیه‌ دان.

سەرۆکێ حکومەتا هەرێما کوردستانێ دیاركر، ب ڤێ سال رۆژێ پابه‌ندبوونا حكومەتا هەرێما كوردستانێ ب خزمەتكرنا زێده‌تر كەسوكارێن شەهید و ئەنفالكریان دووپات دكه‌ین و ئه‌وا دشیانێن مه‌دا بیت دێ هێته‌ كرن و سەرێ رێزێ بۆ  قوربانیێن جینۆسایدا بارزانییان و هه‌موو شەهیدێن گەلێ کوردستانێ د چه‌مینین.