ل دووڤ راگه‌هاندنه‌كا بارەگایێ بارزانی، ئەڤڕۆ یەکشەمبى 1-8-2021، ل سەلاحەددین سەرۆک مەسعود بارزانی پێشوازی ل مارتین هوس،بالیوزێ ئێكه‌تییا ئەوروپا ل عێراقێ کر.
د دیدارەکێدا، کو بالیوزێ ئێكه‌تییا ئەوروپا ب هه‌لكه‌فتا داوى هاتنا ئەرکێن وى سەردانا سەرۆک بارزانی کربوو، مارتین هۆس پێزانین بۆ ڤه‌ژاندن و سەقامگیرییا هەرێما کوردستانێ هەبوو و دەستخۆشی ل وان دەستکەفتان کر، کو هەرێما کوردستانێ ل وارێن جودا یێن ئابووری، ئیداری و سەقامگیری ب دەستڤه ئینایه.
بالیوزێ ئێكه‌تییا ئەوروپا جەخت ژى ل هندێ كرییه، کو ئێكه‌تییا ئەوروپا د قۆناغێن داهاتى ژى دا دێ پاڵپشتییا هەرێما کوردستانێ كه‌ت .
هەر د وێ دیدارێدا، سەرۆک بارزانی و بالیوزێ ئێكه‌تییا ئەوروپا ره‌وشا سیاسییا عێراقێ، مەترسی و ئاسته‌نگێن دكه‌ڤنه به‌رامبه‌رى پڕۆسەیا سیاسی و هەڵبژارتنێن داهاتی یێن عێراقێ گۆتوبێژكرن.
هه‌روه‌ك د راگه‌هاندنا بارەگایێ بارزانیدا هاتى، هەردوو لایان جەخت ل هندێ كرییه، کو باشتربوونا پەیوەندیێن دناڤبه‌را هەولێر و بەغدا دا هاریكاره بۆ سەقامگیرییا عيراقێ.
ره‌وشا ئەمنی و سیاسییا سووریا و ئاینده‌یا کوردا ل وى وه‌ڵاتى، تەوەره‌کێ دیێ ئەوێ دیدارێ بوو.
