كێشا ئاڤا گۆندێ ئه‌ڤریكى هاته‌ چاره‌كرن

ڤه‌گێر ئه‌حمه‌د رێڤه‌به‌رێ ئاڤا دهۆكێ بۆ خانى نیوز دیاركر ئه‌ڤرۆ پرۆژێ ئاڤا ئه‌ڤریكى ب هاریكا رێكخراوا VNG هاته‌ ڤه‌كرن كو دێ ده‌مژمێرێن به‌ردانا ئاڤا مالان زێده‌كه‌ت.

و گۆت: پرۆژه‌ ژ كۆلانا دو بیران پێكدهێتـ، به‌لێ تێچوویا گرێدانا تۆرا ئاڤێ ژ ئالیێ رێكخراوا VNG ڤه‌ هاتیه‌ بجهئینان ب كۆژمێ  50 هزار دولاران كو دێ 800 چارگوشێن ئاڤێ زێده‌كه‌ت و دێ خزمه‌تا 1500 هه‌تا 1600 خێزانان كه‌ت.

گۆندێ ئه‌ڤریكى كێشا ئاڤا ڤه‌خوارنێ هه‌بوو، هه‌ر سێ رۆژان جاره‌كێ ده‌مژمێره‌كێ هه‌تا دو ده‌مژمێران ئاڤا وان دهاته‌ به‌ردان، به‌لێ ب ڤه‌كرنا ڤى پرۆژه‌ى كێشا ئاڤا گۆندێ وان دێ چاره‌ بیت.

رێڤه‌به‌رێ ئاڤا دهۆكێ ژى ئاماژه‌ ب وێ یه‌كێ ژى كو ل نێزیك دێ كێشا ئاڤا گۆندێ ئێمینكى ژى هێته‌ چاره‌كرن و ئه‌ڤرۆ هه‌تا سوبه‌ دێ ده‌ست ب لێدانا بیره‌كا ئاڤێ بۆ گۆندێ ئێمینكى هێته‌ كرن.