ئیداره‌یا جۆ بایدنی سیناتۆرێن دیموكراتان هاندده‌ت قانوونا وه‌رگرتنا مۆله‌تا شه‌ڕی ل ئیراقێ بهه‌لوه‌شینیت و پارتا كۆماری ژی ره‌ت كرییه.
ئیداره‌یا جۆ بایدن، سه‌رۆكێ ئه‌مریكا سیناتۆرێن دیموكراتان هاندده‌ت وێ قانوونێ بهه‌لوه‌شینن یا كو مۆله‌تێ ب ده‌ستپێكرنا شه‌ڕان ل ئیراقێ دده‌ت، پارتێن كۆماری ژی ره‌ت كرییه ده‌نگی بۆ هه‌لوه‌شاندنا وێ قانوونێ بده‌ن ژ به‌ركو ئه‌و كاره ئاماژه‌یه‌كێ ب ئیرانێ دده‌ت واته ئه‌مریكا دێ ب تمامی خوه ژ رۆژهلاتا ناڤه‌راست ڤه‌كێشیت.
هه‌روه‌ها ئه‌ڤه د ده‌مه‌كی دایه چه‌ندین ئه‌ندامێن كۆنگرێسێ پێشنیاركربوو، پێدڤییه بڕیارا هێرشێن ئاسمانی نه ته‌نێ ژ ئالیێ كۆچكا سپی و پێنتاگۆنێ ڤه بن به‌لكو پێدڤییه كۆنگرێسێ ژی رۆلێ خوه د وان بڕیاران دا هه‌بیت.
ئه‌و قانوونه ل سالا 2002 ل سه‌رده‌مێ ئیدارا جۆرج بۆشی ژ ئالیێ كۆنگرێسی ڤه بۆ هێرشا سه‌ر ئیراقێ ل دژی رژێما به‌عس هاتبوو په‌سه‌ندكرن كو رێك ژ بۆ بكارئینانا هێزێ ل دژی ئیراقێ ددا و نها ئیدارا بایدنی پێشنیار دكه‌ت ئێدی ئه‌و قانوونا پێدڤی نینه.
