خانى نیوز
لیونێل مێسى ستێرا یه‌نه‌یا به‌رسێلونا، د یاریا تیما ویدا دژى ئیبارێ به‌شدار نابیت، و تائكید كرییه ژى كو ل سێشه‌مبیا بهێت دێ گه‌را شازدێ ژ خولا ئیسپانى لیگایێ هێته كرن بێى مێسى.
و رۆژناما(موندۆ دیبورتیڤۆ) یا ئیسپانى دیاركرییه كو یاریكه‌رێن بارسێلونا ئه‌ڤرۆ رۆژا ئێكشه‌مبى ڤه‌گه‌ریانه‌ڤه راهێنان، پشتى كو وان 4 رۆژ بێهێنڤه‌دان وه‌رگرتین ژبه‌ر ئاهه‌نگێن سه‌رێ سالێ.
میدیایێن كه‌ته‌لۆنی ئاماژێ ب هندی دده‌ن، كو ئه‌گه‌ر هه‌یه میسى پشكداریێ د یاریا به‌رامبه‌ریانا ئیبار دا نه‌كه‌ت ژ یاریێن حه‌فتیا 16 ژخولا ئیسپانى یا ته‌پاپێ، كو ئه‌و یارییه دێ ل رۆژا سێشه‌مبى هێته ئه‌نجام دان، هه‌روه‌سا ژێده‌رێن رۆژنامه‌ڤانى ل یانا به‌رشه‌لۆنا دیار كرییه، كو میسى داخوازا درێژكرنا بهێنڤه‌دانا خوه كرییه و پشتى یاریا ئیبار دێ ڤه‌گه‌ریت.
تۆرا ئی ئێس پى ئێن یا جیهانى دووپات كرییه، ژێده‌ره‌كێ ژ یانا به‌رشه‌لۆنا بۆ وان راگه‌هاندییه میسى پشتى یاریا ئیبار دێ ڤه‌گه‌ریته راهێنانان.
