خانی نیوز:
لگۆری راگه‌هاندنه‌كا گومركێن وه‌لاتێ چینێ، ئیراق پله‌یا سییێ گرتییه د رێزبه‌ندییا ئه‌وان وه‌لاتێن په‌ترۆل ل هه‌یڤا چرییا دویێ بۆ وی وه‌لاتی هنارتییه.
دناڤا ئه‌وێ راگه‌هاندنێ دا هاتییه، ته‌ڤایا په‌ترۆلا هاتییه كرین ژلایێ چینێ ژ ئیراقێ بوویه كو ل هه‌یڤا بووری 56.94 ملیۆن ته‌ن بوون، ئه‌ڤه ژی ب رێژا 21% زێده‌تره ژ وێ یا سالا پار د ئه‌ڤی ده‌می دا هاتیه كرین.
هه‌ر د راگه‌هاندنا گومركێن چینێ دا هاتییه و ئاماژه ب وێ چه‌ندێ كرییه سعودی د پله‌یا ئێكێ دایه بۆ كرینا په‌ترۆلێ بۆ ئه‌وی وه‌لاتی ب رێژا 8.48 ملیۆن ته‌نا.
روسیا د پله‌یا دوێ یا ئه‌وێ رێزبه‌ندیێ دایه كۆ په‌ترۆل فروتیه چینێ ب رێژا 6.1 ملیۆن ته‌نا، هه‌ر ته‌نه‌ك دبیته هه‌فت به‌رمیلێن په‌ترۆلێ.
هه‌روه‌سا وه‌زاره‌تا په‌ترۆلا ئیراقێ راگه‌هاندییه ل هه‌فتییا بوری ئاستێ هنارتنا په‌ترۆلا ئیراقێ بۆ ئه‌مریكا بلند بوویه و گه‌هشتیه 105 هزار به‌رمیلان د هه‌فتییێ دا، ئه‌ڤه دده‌مه‌كی دایه د هه‌فتیێن بوری دا رێژا هنارتنا په‌ترۆلا ئیراقێ بۆ ئه‌مریكا داكه‌ت بوو.
