داعشێ ئێك ژ وان كه‌سێن به‌رى چه‌ند رۆژان ره‌ڤاندبوو، ب 500 هزار دۆلاران ئازادكر و ڤه‌گه‌ریا ناڤ كه‌س و كارێ خوه.سپێده‌هیا ئه‌ڤرۆ 21-08-2021 ره‌مه‌زان حه‌جى وه‌لى كو كارێ وى شڤانى بوو ل گوندێ برایم باوه‌لى ل مه‌خموورێ و به‌رى چه‌ند رۆژان تیرۆرستێن داعشێ ئه‌و ره‌ڤاندبوو، سپێده‌هییا ئه‌ڤرۆ هاته ئازادكرن.
كۆمار عه‌لى مامى وى شڤانى راگه‌هاند، پشتى 14 رۆژان ژ ره‌ڤاندنا برازایێ وى ژلایێ تیرۆرستێن داعشێڤه، هاته ئازادكرن.
گۆت ژى، ته‌مه‌نێ برازایێ وى 16 سالن و د ڤى ماوه‌یدا وه‌كو وى بخۆ ڤه‌گێراى داعشێ ئه‌و بربوو چیایێ قه‌ره‌چووخ، ئه‌و گه‌له‌ك یێ ماندى بووى.
دیاركر ژى، برازایێ وى ل هه‌مبه‌رى كۆژمه‌كێ زۆر یێ پاره‌ى هاتییه ئازادكرن ئه‌و ژى 50 ده‌فته‌رێن دۆلارینه
