ئاژانسا خانی، تایبەت
پشتی سەرھلدانێ ژبەر مەترسیێن پەکەکێ زۆربەیا گوندێن سەر ب ناحیا شێروان مەزن یا قەزا مێرگەسۆرێ ئاڤا نەبووینە.
کوڤان شێروانی، رێڤەبەرێ ناحیا شێروان مەزن بۆ ئاژانسا خانی دیارکر: ناحیا شێروان مەزن ژ ٧٣ گوندان پێک ھاتییە، بەلێ ژبەر ئالۆزیێن سنووری و ھەبوونا چەکدارێن پەکەکێ ٥٥ گوندێن سەر ب ناحیا شێروان مەزن ئاڤەدان نەبووینە، خەلکێ وان گوندان ل دەوروبەرێ ھەولێرێ و قەزا سۆران ئاکنجینە و ئاوارەنە، گوندێن ئاڤەدانژی مەترسی لسەر ھەیە و خەلکێ وان گوندان ب ئازادی نەشێن ھاتنوچوونێ بکەن.
کوڤان شێروانی گۆت ژی: چەندین جاران وەلاتیێن سنوورێ قەزا مێرگەسۆرێ بووینە قوربانی شەڕێ ناڤبەرا چەکدارێن پەکەکێ و سوپایێ تورکیا، بەردەوام دەڤەر ل ژێر مەترسیا شەڕییە، ئەڤە ژبلی وان زیانێن بەردەوام ب رەز و باغێن وەلاتییان و ژینگەھا دەڤەرێ د کەڤن، ھەر دەمێ مەترسیا پەکەکێ نەمینیت ئەڤە زۆربەیا گوندێن کاڤل دێ ھێنە ئاڤاکرن و خەلک دێ ڤەگەڕیت سەر گوندێن خۆ.
