ھۆگر چەتو: دەنگدەر دشێن دەنگێ خوه‌ بده‌نه‌ به‌ربژێرێن خوه‌ ڤه‌كێشای

ئاژانسا خانی:

 بەرھەڤی بۆ برێڤەچوونا پرۆسا ھەلبژارتنێن عێراقێ دھێتەکرن و رێکخەرێ تۆڕا شەمس بۆ چاڤدێریا ھەلبژارتنان ژی دبێژیت، سێ ھزار و ٢٤٩ بەربژێر ھەڤڕکیێ لسەر ٣٢٥ کۆرسیێن پەرلەمانێ ئیراقێ دکەن.

ھەروەسا ئاماژەکر، بەربژێرێن پشتی تیرۆپشکێ خوه‌ ڤەکێشای دێ ھەرمینن بۆ ھەڤڕکیێ و دەنگدەر دشێن دەنگی بدەنێ.

ھۆگر چەتو، رێکخەرێ تۆڕا شەمس بۆ چاڤدێریا ھەلبژارتنان بۆ ئاژانسا خانی گۆت” ئەو لایەن و بەربژێرێن پشتی دەمێ قانوونی بایکۆتا ھەلبژارتنان کرین ناڤێ وان ھەر وەکی خۆ مایە ل کۆمسیۆنێ و دێ لسەر فۆرما دەنگدانێ ژی مینیت، لەوڕا  ژلایێ قانوونی ڤە خۆ ڤەکێشانێ چو بھایەکێ خۆ نینە، چونکە دشێت دەنگی بدەتێ.

سێ ھزار و ٢٤٩ کەسان خۆ ژبۆی ھەلبژارتنێن عێراقێ بەربژێر کریە و ژ وان ژی ٩٥١ بەربژێر ژنن. ھۆگر چەتو ئاشکراکر” ھەر چەندە کۆمسیۆنا ھەلبژارتنێن عێراقێ ئەزموونەکا زۆر نینە و مە تێبینی لسەر کارێن وان ھەنە، بەلێ بەرھەڤیێن باش ھاتینە کرن بۆ رێڤەچوونا ھەلبژارتنان، وەکی تۆڕا شەمس بۆ چاڤدێریا ھەلبژارتنان مە سێ ھزار چاڤدێر بەرھەڤکرینە بۆ سەرانسەری عێراقێ رۆژا دەنگدانێ چاڤدێریا پرۆسا ھەلبژارتنان بکەن، راھێنان ب ھەموو چاڤدێران ھاتیەکرن ھەتا بشێن رۆلێ چاڤدێریێ ببینن.