سه‌رۆكێ په‌رله‌مانێ ئۆردنێ بۆ سه‌رۆك بارزانی: رۆلێ هه‌رێما كوردستانێ ل ده‌ڤه‌رێ گرنگه

سه‌رۆك مه‌سعود بارزانى ل سپێده‌هيیا ئه‌ڤرۆ پێشوازى ل عه‌بدولمونعم عودات، سه‌رۆكێ په‌رله‌مانێ شانشینا ئوردن و شاندێ د گه‌لدا كر و دگه‌ل ده‌سته‌یا سه‌رۆكاتيیا په‌رله‌مانى و سه‌رۆكێ فراكسیۆنا په‌له‌مانى كۆمبوو.

ل دووڤ زانیارییان، د كۆمبوونا د ناڤبه‌را سه‌رۆك بارزانى و سه‌رۆكێ په‌رله‌مانێ ئوردنێدا، دانوستاندن ل دؤر په‌یوه‌ندیین هه‌رێما كوردستانێ و هه‌ماهه‌نگيیا د ناڤبه‌را هه‌ردوو ئالیاندا دهێته‌كرن.

عەبدولمونعم عودات، سه‌رۆكێ په‌رله‌مانێ شانشینا ئوردن پشتى گه‌هشتیه‌ هه‌ولێرێ راگه‌هاند، دڤێ سه‌ره‌دانێدا دێ دانوستاندنا به‌رژه‌وه‌نديیێن هه‌فپشكێن د ناڤبه‌را ئوردن و هه‌رێما كوردستانێ دێ كه‌ین، هه‌روه‌سا دێ دانوستاندنێ ل دۆر نڤیساره‌كا لێكتێگه‌هشتنێ د ناڤبه‌را هه‌ردوو لایاندا كه‌ن.

گۆت وان په‌یوه‌ندییه‌كا مێژوویى دگه‌ل هه‌رێما كوردستانێ هه‌یه‌ و ئه‌و رۆلێ سه‌ركردایه‌تییا هه‌رێمێ ل ده‌ڤه‌رێ دگێرن رۆله‌كێ گرنگه‌.