كۆمسیۆن: د 24 ده‌مژمێران دا ئه‌نجامێن هه‌لبژارتنان بێ سه‌خته‌كاری دێ هێن راگه‌هاندن

كۆمسیۆنا سه‌ربه‌خۆ یا هه‌لبژارتنان: د 24 ده‌مژمێران دا ئه‌نجامێن هه‌لبژارتنان بێ سه‌خته‌كاری دێ هێن راگه‌هاندن

په‌یڤدارا کۆمسیۆنا بلند یا سەربەخۆیا هەلبژارتنان راگه‌هاند، ڤێ جارێ چ ئه‌گه‌ر نینن كو سه‌ختەکاری د هەلبژارتنان دا بهێنه‌ كرن و کۆمسیۆن یا پابەندە ب هندێ كو ئەنجامان د 24 ده‌مژمێران پشتی هەلبژارتنان رابگه‌هینیت و ئه‌ڤه‌ ژی ل گۆر قانوونێ یه‌.

هه‌روه‌سا جینین بلاسخارت، نوونه‌را گشتی یا نه‌ته‌وه‌یێن ئێكگرتی راگه‌هاندییه‌؛ 130 بسپۆرێن ناڤده‌وله‌تی چاڤدێرییا  پرۆسێ دكه‌ن داكو هه‌لبژارتنێن بێ سه‌خته‌ برێڤه‌ بچن، ده‌نگده‌ر ژی دكارن ده‌نگێ خوه‌ بده‌ن كاندیدان نه‌ك پارت و ئالییان.

د ڤان هه‌لبژارتنان دا 23 ملیۆن و 986 هزار و 741 كه‌س دشێن ده‌نگێ خوه‌ بده‌ن.