سەرۆک مەسعود بارزانی، ئه‌ڤرۆ 13-9-2021 پێشوازى ل دەیڤد هەنت، کونسولێ نوویێ بەریتانیا ل هەولێرێ کر.
د دیداره‌كێ دا سەرۆک بارزانی هیڤیا سەرکەفتنێ بۆ کونسوڵێ نوویێ بەریتانیا ل هەولێرێ خواست د ئەرک و کارێن خوه‌دا، هەروەسا سوپاسییا بەریتانیا کر، کو د شەڕێ داعشێدا پشته‌ڤانییا هێزا پێشمەرگەیێ کوردستانێ بوویه.
هه‌ر د دیدارێدا کونسوڵێ گشتیێ بەریتانیا جەخت ل بەردەوامییا پاڵپشتیا وه‌ڵاتێ خوه بۆ هەرێما کوردستانێ کره‌ڤه و خواست كو پەیوەندیێن وان به‌رفره‌هتر لێبهێن و گه‌شه‌پێدانا هه‌ماهه‌نگیێ دناڤبه‌را بەریتانیا و هەرێما کوردستانێ د بوارێن جودا جودا.
هەڵبژارتنێن ئۆکتۆبەرا داهاتى یا جڤاتا نوونه‌رێن عێراقێ تەوەره‌کێ دیێ وێ دیدارێ بوو، هەردوو ئالیان هیڤیا هندێ خواست كو هەڵبژارتنێن داهاتى یێن عێراقێ ببیتە ئه‌گه‌رێ گۆڕانكاریێن پوزه‌تیف و دابینكرنا هه‌موو خواستێن وه‌ڵاتییان.
