وه‌زیرێ پلاندانانێ: دێ پشته‌ڤانییا كۆمپانیێن جیهانى ل هه‌رێمێ كه‌ین داكو وه‌به‌رهێنانێ ئه‌نجام بده‌ن

وه‌زیرێ پلاندانانا حكومه‌تا هه‌رێمێ  كۆمبوونه‌ك ل ‌گه‌ڵ شانده‌كێ بازرگانیێ بریتانیا و جێگرێ كونسوڵێ ئه‌وى وه‌ڵاتى‌ سازدا و راگه‌هاند: دێ پشته‌ڤانییا بازرگانان و کۆمپانیێن جیهان كه‌‌ین هه‌تا ل هەرێمێ وەبەرهێنانێ بکەن.
د. دارا ره‌شید وه‌زیرێ پلاندانانا حكومه‌تا هه‌رێما كوردستانێ د فه‌یسبووكێ خوه‌ دا به‌لاڤكرییه‌: ئه‌ڤڕۆ پێنجشه‌مبى 16 – 9 – 2021 ، ل دیوانا وه‌زاره‌تێ مه‌ پێشوازی  ل رێڤه‌به‌رێ  بازرگانیێ بەریتانیا ل عێراقێ و جێگرێ کونسوڵێ بریتانیا ل هەرێم كر.
د.دارا ره‌شید راگه‌هاند: د كۆمبوونێدا به‌حسێ هەماهەنگییا دناڤبه‌را هەردوو ئالییاندا هاته‌ كرن ب تایبەت ڕۆلێ گرنگ و بەردەوامییا بریتانیا د وارێن جودا جودا و هەولدان بۆ موكومكرنا ئەوان پەیوەندییان.