سه‌رۆكێ حكومه‌تا هه‌رێما كوردستانێ پێشوازی ل سه‌رۆككۆمارێ ئیراقێ كر و گۆتوبێژا كێشه‌یێن هه‌لاویستی یێن ئیراق و هه‌رێمێ كرن.
مه‌سرور بارزانی، سه‌رۆكێ حكومه‌تا هه‌رێما كوردستانێ ئه‌ڤرۆ پێشوازی ل به‌رهه‌م سالح، سه‌رۆككۆمارێ ئیراقێ كر و گۆتوبێژا په‌یوه‌ندیێن دناڤبه‌را هه‌رێمێ و حكومه‌تا فیدرالی دا كرن و مه‌سرور بارزانی دوپاتی ل چاره‌كرنا كێشه‌یێن هه‌لاویستی یێن دنڤبه‌را هه‌ردو حكومه‌تان دا ل سه‌ر بنه‌مایێن ده‌ستوری كر.
د ته‌وه‌ره‌كێ دی یێ كۆمبوونێ دا گۆتوبێژ ل دۆر هه‌لبژارتنێن جڤاتا نوونه‌رێن ئیراقێ كرن و دوپاتكرن، هه‌لبژارتنه‌كا پاقژ و شه‌فاف بهێته برێڤه‌برن كو ماف و خواستا هه‌موو پێكهاتێن ئیراقێ ده‌سته‌به‌ر بكه‌ت و ببیته ئه‌گه‌رێ سه‌قامگیربوونا ره‌وشا ئیراقێ.
