<h2><span style="font-size: 18pt;">مهسرور بارزانى سهرۆكێ حكومهتا ههرێما كوردستانێ د دهمێ راگههاندنا ئیدارا سهربهخۆیا زاخۆ راگههاند: دهمێ دهنگى ددهن هزر د هندێ دا نهكهن ئهڤرۆ چ دبینن، هزربكهن ئهگهر سوباهى كوردستان كهفته لبن ههرهشه و ئاستهنگان كى دێ ههوهپارێزیت، كى ئامادهیه خوه بكهته قوربانى، نههێنه خاپاندن ب ئاخڤتنێن چهند كهسان، بهلكى بزانن كێ هێز و شیانێن هندێ ههنه بهرگریێ ژ ههوه بكهت.</span></h2> <h2><span style="font-size: 18pt;">سهرۆكێ حكومهتا ههرێما كوردستانێ ئاماژه ب هندێ كر؛ ئهم یێ بهرهڤ ههلبژارتنان دچین ، راسته ئهڤ ههلبژارتنه بۆ جڤاتا نوونهرانه، رهنگه ههلبژارتنهكا چارهنڤیسسازه، چونكه بریار دێ ژ پهرلهمانى هێنهدان و كارتێكرن و گرنگیا وێ دێ ل سهر رهوشا ههرێما كوردستانێ ههبیت، بهرى ههر تشتى پێدڤیه ئهو نوونهرێن دههلبژێرن و نوونهراتیا ههرێما كوردستانێ دكهن، هزر د هندێ دا بكهن بهرگریێ ژ مافێ دهستوورى یێ خهلكێ كوردستانێ بكهن.</span></h2> <h2><span style="font-size: 18pt;">مهسرور بارزانى </span><span style="font-size: 18pt;">گۆت، ئهگهر هوون پشكدارى ههلبژارتنان نهبن، خهلكهكێ دى دێ جهێ ههوه دهنگى دهت و رهنگه كهسهكى ههلبژێریت ب چ رهنگان د خزمهتا ههوهدا نهبیت و داخۆاز دكهت پشكداریێ د ههلبژارتنان دا بكهن، دهنگێ خوه بدهنه وى كهسێ دشێت بهرهڤانیێ ژ ههوه بكهت.</span></h2> <h2><span style="font-size: 18pt;"></span><span style="font-size: 18pt;">سهرۆكێ حكومهتا ههرێما كوردستانێ دیاركر</span><span style="font-size: 18pt;">، چ سۆزا نادهین ئهگهر د شیانێت مهدا نهبن بجهبینین، بهلێ سۆزێ ددهین وهفادار و راستگوبین دگهل ههوه.</span></h2>
