كۆمسیۆنا هه‌لبژارتنان: به‌رهه‌ڤیێن پرۆسا هه‌لبژارتنان بدوماهی هاتن

سه‌رۆكێ كۆمسیۆنا بلندا هه‌لبژارتنان راگه‌هاند؛ به‌رهه‌ڤیێن رێكارێن پرۆسا هه‌لبژارتنان ب داوی هاتن.

جه‌لیل عه‌دنان، به‌رپرسێ كۆمسیۆنا بلندا هه‌لبژارتنان ئه‌ڤرۆ د پرێسكۆنفرانسه‌كی دا راگه‌هاند؛ كۆمسیۆنێ هه‌موو به‌رهه‌ڤیێن دوباره‌ تۆماركرنا ده‌نگده‌ر و ناڤێن به‌ربژاران و هه‌موو رێكارێن پێدڤی ب داوی ئینان و سه‌رۆكێ وه‌زیران ژی سه‌رپه‌رشتی دكر.

دیار ژی كر، لژنا ئێمناهییا بلندا هه‌لبژارتنان ژی د ئاماده‌باشیێ دایه‌ و هه‌موو رێكار ژ بۆ رۆژا هه‌لبژارتان ل به‌ر گرتینه‌.

به‌رپرسێ كۆمسیۆنێ خویا ژی كر، هه‌لبژارتنێن ئه‌ڤجاره‌ وه‌ك یێن پێشتر نینن ژبه‌ر هنده‌ك ئه‌گه‌ران و ئه‌و ل هه‌مبه‌ر قانوونه‌كا نوو یا هه‌لبژارتنانن و دێ گهۆرینێن نوو ل ئیراقێ په‌یدا كه‌ن.