سه‌رۆكێ حكومه‌تا هه‌رێما كوردستانێ پێشوازی ل بالیۆزێ نوو یێ ئسپانیا ل ئیراقێ كر و ئاماده‌كاریێن ڤه‌كرنا كونسلخانا ئسپانی ل هه‌ولێرێ گۆتوبێژكرن.
مه‌سرور بارزانی، سه‌رۆكێ حكومه‌تا هه‌رێما كوردستانێ ئه‌ڤرۆ پێشوازی ل پێدرۆ مارتینیز، بالیۆزێ نوو یێ ئسپانیا ل ئیراقێ كر و پیرۆزباهیێن ده‌ستبكاربوونا وی كرن و هیڤییا سه‌ركه‌فتنێ د ئه‌ركێن وی دا بۆ خواست ل پێناڤ پێشدابرنا په‌یوه‌ندیێن ئسپانیا ل گه‌ل ئیراق و هه‌رێمێ.
بالیۆزێ ئسپانیا ئاماده‌ییا ولاتێ خوه بۆ پێشدابرنا په‌یوه‌ندییان ل گه‌ل كوردستانێ ده‌ربڕی، ب تایبه‌ت د وارێ لێكگوهارتنا بازرگانی و وه‌به‌رهێنانێ، ب ڤێ مه‌به‌ستێ ژی، ئاماده‌كارییان دكه‌ن تاكو كونسلخانا ئسپانیا ل هه‌ولێرێ ڤه‌كه‌ن.
