سەرمەد ئالیخان، رێڤەبەرێ حەج و عومرێ ل پارێزگەها دهۆکێ بۆ ئاژانسا خانی دیارکر، ئەوان ئەڤرۆ ب هەلکەفتا چوار سالیا ریفڕاندۆمێ سەرەدانا خێزانا شەهید هوجام سورچی ل ناحیا روڤیا کر و گوت، دڤێ سەرەدانێ دا مە عومرە وەک دیاری ب هەڤژینا شەهید هوجام سورچی دا و هەموو ئەرکێن چونا گەشتا عومرێ ل سەر مەیە.
زیدەتر گوت، هەر چ بۆ خێزانێن شەهیدان بهێتەکرن ئەرکە و کێمە ژی، ئەڤ دیاریە ژ هەژی خێزانا شەهیدی یە، ئومێدەوارێن خودایێ مەزن جهێ هەموو شەهیدان ب بحەشتێ شاد بکەت.
دهێتە زانین شەهید هوجام سورچی د شەرێ داعشێ دا ب ئێخسیری دکەڤیتە دەست داعش، پاشان ب شێوەیەکێ درندانە دهێتە سەربری کرن و هەتا نوکە ژی تەرمێ وی نەدیارە، شەهیدبوونا وی ل ئاست کوردستان و جیهانێ دەنگڤەدایە.
