ل ڤێ حه‌فتیێ یانێن باكورێ كوردستانێ د خولا توركیا دا سه‌ركه‌فتن

ئاژانسا خانى، هه‌ژار مه‌عروف:
هه‌ر چار نوونه‌رێن باكورێ كوردستانێ دخۆلا پلا دو یا توركیا دا شیان سه‌ركه‌فتنێ د یاریێن خوه‌ یێن ڤێ حه‌فتیێ دا توماربكه‌ن كو چار یانێن كوردى د وێ خولێ دا پشكدارن ئه‌وژى ئامه‌د سپور و ئورڤا سپور دیاربه‌كر و وان سپور .
د یاریێن كوما ئێكێ دا یانا ئامه‌د سپور ژ ده‌رڤه‌ى یاریگه‌ها خوه‌ شیا سه‌ركه‌فتنێ ل سه‌ر یانا ئه‌نقه‌ره‌ ده‌میر توماربكه‌ت ب گوله‌كێ بێ به‌رامبه‌ر و خالێن خوه‌ گه‌هاندنه‌ 9 خالان ژ چار یاریان و یاریا ئورڤا سپور هاته‌ پاشئێخستن كو وێ یانێ ژى ژ 3 یاریان هه‌تا نوكه‌ 7 خال كومكرینه‌ .
د یاریێن كوما دوێ دا یانا وان سپور به‌رده‌وامى دا ئه‌نجامێن خوه‌ یێن باش ل وه‌رزێ ئه‌ڤ ساله‌ پشتى شیاى ژ ده‌رڤه‌ى یاریگه‌ها خوه‌ ب سه‌ركه‌فیت ل سه‌ر یانا ئه‌رگانا سپور ب دو گولان به‌رامبه‌ر گوله‌كێ و خالێن خوه‌ گه‌هاندنه‌ 10 خالان ژ چار یاریان و دیاربه‌كر سپور ژى پشتى سێ یاریان ل دویڤ ئێك نه‌شیاى سه‌ركه‌فتنێ توماربكه‌ت شیا سه‌ركه‌فتنا خوه‌ یا ئێكێ ل وه‌رزێ ئه‌ڤ ساله‌ توماربكه‌ت ده‌مێ ب سه‌ركه‌فتى ل سه‌ر یانا سوما ب سێ گولان به‌رامبه‌ر گوله‌كێ .