توركیا كوشتنا به‌رپرسه‌كێ بلندێ په‌كه‌كێ ل قامشلۆ راگه‌هاند

ئاژانسا فه‌ر‌مییا توركیا راگه‌هاند، د ئۆپه‌راسیۆنه‌كێدا ل باژارێ قامشلۆ ل رۆژئاڤایێ كوردستانێ وان به‌رپرسه‌كێ بلندێ په‌كه‌كێ كوشتییه‌.
ئه‌و به‌رپرسێ بلندێ په‌كه‌كێ ژى ناڤێ وى (ئه‌نگین كارا ئه‌سلان)ه‌ و نازناڤێ وى ژى (حه‌یده‌ر وه‌رتۆ) یه‌.
ئاژانسا فه‌رمییا توركیا راگه‌هاند ژى، ئه‌نگین كارا ئاسلان ئه‌ندامێ كۆمه‌ته‌یا ناڤه‌ندییا رێڤه‌به‌ریا په‌كه‌كێ بوویه‌، ناڤێ وى ژى ژ لیستا سۆر یا پۆلیسێن نێڤده‌وله‌تى یا ئه‌نته‌رپۆلێ بوویه‌.
ل دۆر چه‌وانییا كوشتنا وى ئاشكرا كر، ئه‌و ئۆپه‌راسیۆن ژ لایێ ده‌زگه‌هێ هه‌والگیریا نشتیمانییا توركیا هاتیه‌ ئه‌نجامدان.
لێ دۆر ڤێ یه‌كێ تا نو نها پارتا كرێكارێن كوردستانێ هیچ راگه‌هاندنه‌ك به‌لاڤ نه‌كریه‌