جڤاتا وه‌زیران ئه‌ڤرۆ دێ كۆمبن

جڤاتا وەزیرێن هەرێما کوردستانێ ئه‌ڤرۆ کۆمبوونا حه‌فتیانه‌ دێ ب سه‌رۆكاتییا مەسرور بارزانی، سەرۆکێ حكومه‌تا هه‌رێما كوردستانێ و ئامادەبوونا قوباد تالەبانی جێگرێ سەرۆکێ حکومەتێ هێته‌كرن.

فه‌رمانگه‌ها میدیا و زانیارى د كۆمبوونا ئه‌ڤرۆدا، په‌یره‌وكرنا جڤاتا بلندا وه‌زاره‌تا ئەوقاف و کاروبارێن ئاینی ل هەرێما کوردستان و ئیراقێ و به‌رچاڤكرنا پرۆژێ قانونا چه‌كى ل هه‌رێما كوردستانێ و دیاركرنا پرۆژێ ستراتیژییا نشتیمانى و رووبرووبوونا گه‌نده‌لیێ ل هه‌رێما كوردستان – ئیراق 2021 – 2025 دێ گۆتۆبێژكه‌ن.

فه‌رمانگه‌ها میدیا و زانیارى دیاركر؛ ته‌وه‌ره‌كێ دى یێ كۆمبوونێ، به‌رچاڤكرنا راسپاردنا دامه‌زراندنا جڤاته‌كێ ب ناڤێ جڤاتا باوه‌ریپێكرن ب ناڤه‌ند و پرۆگرامێن خواندنێ ل په‌روه‌ردێ و خواندنا بلند ل هه‌رێما كوردستان – ئیراق.