ته‌ڤگه‌را تالیبان یا ئه‌ڤغانى یا كو مه‌ها هه‌شت یا بوورى دا ئه‌نفغانستان كۆنترۆلكری، كرنا لبه‌ر یا پێلاڤێن بلند و جلێن ره‌نگاوره‌نگ بۆ ئافره‌تان قه‌ده‌غه‌كرن و هنده‌ك بریار سه‌باره‌ت سه‌رتراشینا زه‌لامان ده‌ركرن.
دبه‌رنامه‌كێ ئێكسه‌ردا ل كه‌نالێ(طلوع) یێ ئه‌فغانستانێ ئێك ژ به‌رپرسێن تالیبانێ بریارێن نوو راگه‌هاندن و گوت: نابیت ئافره‌ت پێلاڤێن بلند بكه‌نه به‌رخۆ چونكه پێلاڤێن بلند بۆ مه‌ره‌ما راكێشانا سه‌رنجا گه‌نجان هاتینه چێكرن.
گوت ژى، نابیت ئافره‌ت جلێن ره‌نگاوره‌نگ بكه‌نه به‌رخۆ ده‌مێ ژمال ده‌ردكه‌ڤن و نابیت گولاڤان ل خوه بكه‌ن.
ل گوره‌ى رۆژناما نیویورك تایمز یا ئه‌مریكى، پێشتر تالیبان چوونا ئافره‌تێ ب هه‌موو شێوان چ وه‌ك مامۆستا یان قوتابى بۆ ناڤا زانكۆیان قه‌ده‌غه‌كربوو و شیره‌تكارێ تالیبان بۆ كاروبارێن خواندنێ د تویته‌كێدا راگه‌هاندبۆ؛ تا ژینگه‌هه‌كا ئیسلامى یا دروست ل زانكۆیان و لسه‌ر كارى نه‌هێته چێكرن نابیت ژن بچنه زانكۆیێ و كاربكه‌ن.
ل ناڤه‌راستا مه‌ها هه‌شت یا بوورى تالیبان كۆنترولا ئه‌فغانستانێ كر و رێنمایێن نوو بۆ سه‌رتراشان ده‌ركرن ژوان ژى نابیت ریهان كورت كه‌ن و نابیت مۆزیك بهێته دانان.
