<h3 style="text-align: justify;"><span style="font-size: 18pt;">كۆمپانییا فهیسبووكێ ئهڤرۆ د بهیانهكێ دا راگههاند؛ ژ بەرئهو گوهۆڕینێن د سیستەمێ سەرەکی یێ ئارستەکری دا هاتینهكرن ئهپلیكهیشنا فهیسبوك و ئاپ یێن ئینستاگرام و واتس ئاپ یێن ب سهر كۆمپانییێ ڤه ژ كاركهفتن، دیار ژی كرییه، سیستەمێ سەرەکی یێ ئاراستەکری بەرپرسە ژ هەماهەنگیا تۆرا ئینتەرنێتێ و سەنتەرێن داتایان.</span></h3> <h3 style="text-align: justify;"><span style="font-size: 18pt;">دۆگ مادووری، رێڤهبهرێ ڤهكۆلینان ل كۆمپانییا كنتیك بۆ رۆژنا وۆل ستریت جۆرنال راگههاند؛ فهیسبووكێ گوهۆرینهك ل دۆر ئاراستهكرنا زانیاریێن تۆرا خوه كربوو، فهیسبووكێ ژی ئهو گوهۆرین وهرنهگریت و نههاته خواندن و ئهڤه ژی بوو ئهگهر كو ئهپلیكهیشنا فهیسبوكێ و ههموو ئاپ یێن ب سهر وێ ڤه وهك واتس ئاپ و ئینستاگرام ژ كاركهفتن.</span></h3> <h3 style="text-align: justify;"><span style="font-size: 18pt;">ههروهسا ل گۆرهی زانیاریێن وان، سهرۆكێ كۆمپانییا فهیسبووكێ، مارك زوكهربێرگ ژ بهر ژكاركهفتنا فهیسبووكێ ب 6.6 ملیار دۆلاران خوسارهت بوو و كۆمپانی ژی نزیكی 20 ملیار دۆلاران خوسار بوو.</span></h3> <h3 style="text-align: justify;"><span style="font-size: 18pt;">شڤێدی پشتی گرتنا بهرنامهیێن فهیسبووك، واتس ئاپ و ئینستاگرامێ، هاتبوو راگههاندن كو ئاژانسا رۆیتهرز دیاركرییه، ئهگهرێ ژكاركهفتنا وان پرۆگرامان زارۆیهكێ چینی یێ 13 سالییه، پاشان دیاربوو چ راستی بۆ وی خهبهری نینه و رۆیتهرزێ چ زانیاریێن وی شێوهی بهلاڤنهكرینه.</span></h3>
