پەیاما سەرۆکێ حکومەتا هەرێما کوردستانێ

مه‌سرور بارزانى  سه‌رۆكێ حكومه‌تا هه‌رێما كوردستانێ په‌یامه‌ك به‌لاڤكر و راگه‌هاند: ب هه‌لكه‌فتا دووماهی هاتنا پرۆسا ده‌نگدانێ بۆ هه‌لبژارتنا جڤاتا نوونه‌رێن عیراقێ، سوپاسیا وه‌لاتیێن هه‌رێما كوردستانێ و ده‌ڤه‌رێن كوردستانى یێن ده‌رڤه‌ى ئیدارا هه‌رێمێ كر بۆ پشكداربوون د پرۆسا دیموكراسى و هه‌ستكرن ب به‌رپرسیاره‌تى د پرۆسا سیاسى و به‌رگریكرن ژمافێن ده‌ستوورى یێن گه‌لێ كوردستانێ.

سەرۆکێ حکومەتا هەرێما کوردستانێ سوپاسیا پێشمه‌رگه‌ى و هێزێن نافخۆ ب گشتى كر كو د ئه‌ركێ خوه‌ دابوون بۆ دابینكرنا سه‌قایه‌كێ ئارام  بۆ ده‌نگدان و پاراستنا بنگه‌هێن ده‌نگدانێ، هه‌روه‌سا سوپاسیا كارمه‌ندێن كۆمسیونا بلندا هه‌لبژارتنان كر بۆ بجهئینانا ئه‌ركێ خوه‌ ب ره‌نگه‌كێ باش، هه‌رچه‌نده‌ ب لێبورینڤه‌ چه‌ندین بنگه‌هێن ده‌نگدانێ ئاریشا ته‌كنیكى هه‌بوو، هژماره‌كا زۆرا خه‌لكى ژ مافێ ده‌نگدانێ بێ به‌هربوون.

   سه‌رۆكێ حكومه‌تا هه‌رێما كوردستانێ ئاماژه‌ ب هندێ ژى كر، ل چه‌ندین جهان ب تاییبه‌تى ده‌ڤه‌رێن كوردستانى یێن ده‌رڤه‌ى ئیدارا هه‌رێمێ ژ لایێ چه‌ند كرۆپێن ژ یاسایێ ده‌رچووین، رێگرى ل ده‌نگده‌ران كر نه‌هێلا بچنه‌ بنگه‌هێن ده‌نگدانێ، گوت ئه‌ڤه‌ جهێ دلته‌نگیێ یه‌ و نه‌رازیبوونێ یه‌ و دژى بنه‌مایێن دیموكراسى و مافێ ئازادى و پشكداریكرنێ یه‌ د پرۆسا ده‌نگدانێ دا.