دووماهیى پێزانین ل سه‌ر هه‌لبژارتنێن یانا زاخۆ

ئاژانسا خانى،هه‌ژار مه‌عروف:
چاڤه‌رێ دهێته‌كرن 19 ڤێ مه‌هێ هه‌لبژارتنێن یانێن وه‌رزشى ل كوردستانێ بهێنه‌كرن كو یانێن پارێزگه‌ها دهۆكێ ژى هه‌ڤركى هه‌یه‌ دناڤبه‌را به‌ربژاران دا و ل یانا زاخۆ پێشبینى دهێته‌كرن سه‌رۆكه‌كێ نوو بۆ یانێ بهێته‌ به‌ربژاركرن ل جهێ سه‌رۆكێ نوكه‌ حه‌مید سه‌لمان ئه‌وێ خوه‌ به‌ربژار ناكه‌ت .
ل دویڤ ژێده‌رێن به‌رده‌ستێ ئه‌ڤرۆ نیوز كه‌ڤتین بلند شه‌فیق یاریزانێ باسكت بولێ یێ به‌رێ ل زاخۆ وه‌كو سه‌رۆكێ نوو یێ یانا زاخۆ هاتیه‌ به‌ربژاركرن بۆ ماوێ چار سالێن بهێت.
ژلایه‌كێ دویڤه‌ چه‌ند ژێده‌رێن نێزیكى یانا زاخۆ بۆ ئه‌ڤرۆ نیوز دیاركرینه‌ بلند شه‌فیق بۆ هه‌لبژارتنێن نوو یێن یانا زاخۆ ستاڤه‌كێ نوو یێ كارگێرى ل گه‌ل خوه‌ بینت وهه‌تا نها چاره‌نڤیسێ كارگێریا نوكه‌ یا یانا زاخۆ یێ ئاشكرا نینه‌ كا دێ خوه‌ هه‌لبژێرن بۆ هه‌لبژارتنێن 19 ڤێ مه‌هى یان نه‌ .
ژێده‌ره‌كێ دى بوو ئه‌ڤرۆ نیوز دیاركریه‌ چه‌ند ئه‌دامێن نوكه‌ یێن یانا زاخۆ حه‌زا خوه‌ هه‌لبژارتنێ هه‌یه‌ بوو هه‌لبژارتنێن نوو یێن یانێ لێ چاڤه‌رێ چه‌ند بریاریێن تایبه‌تن ژلایێ جهێن به‌رپرسیار .
ل دووماهیى هاته‌ ئاشكراكرن ژێ بۆ پوستێ سه‌رۆكاتیا یانا زاخۆ بتنێ ئێك به‌ربژار هاتیه‌ ده‌ست نیشانكرن ئه‌وژێ بلند شه‌فیق و چ هه‌ڤرك ل گه‌ل وى نینن .
هه‌ژى گوتنێ یه‌ بلند شه‌فیق به‌رى نوكه‌ یاریزانێ باسكت بولێ بوو ل باژێرێ زاخۆ و شاره‌زاى د بوارێ وه‌رزشێ دا هه‌یه‌