رێبهرێ رهوتا سهدری راگههاند؛ پارتا وی د ههلبژارتنێن پهرلهمانێ ئیراقێ دا سهركهفتنهكا مهزن ئینایه و دوپاتكر، ئێدی گهندهل و گهندهلكاران جهـ نهمایه.
موقتهدا سهدر، رێبهرێ رهوتا سهدری پشتی راگههاندنا ئهنجامێن ههلبژارتنێن ئیراقێ راگههاند؛ پارتا وی سهركهفتنهكا مهزن ئینایه و ئێدی جهێ گهندهل و گهندهلكاران ل وهلاتێ وی نهما و داخواز ژ بهربژارێن سهركهفتی یێن پارتا خوه كر، چاكسازییێ د پرۆسا سیاسی دا ل پهرلهمانێ ئیراقێ بكهن.
خویا ژی كرییه، ئهڤرۆ رۆژا گهل و وهلات و هێزێن ئێمناهییێ یه، رۆژا سهركهفتنا بندهستان ل سهر زالمانه و پێدڤییه چهك بكهڤیته ددهستێ دهولهتێ دا و بكارئینانا وی ژ بلی دهولهتێ بهێته قهدهغهكرن و ئێدی گهل ب ئاشتی بژیت بێی گروپێن میلیشیاتان.
سهدری دیار ژی كرییه، ههر بالیۆزخانهكا ل ئیراقێ یا مایتێكرنێ د كاروبارێن سیاسی یێن ئیراقێ دا نهكهت دێ پێشوازییهكا گهرم لێ كهن.
