ب هه‌لكه‌فتا سه‌ركه‌فتنا مه‌زنا پارتی دیموكراتی كوردستان د هه‌لبژارتنێن جڤاتا نوونه‌رێن ئیراقێ دا گه‌رمترین پیرۆزباهییان ل جه‌نابێ سه‌رۆك مه‌سعود بارزانی، سه‌ركرداتی و ئه‌ندام و ئالیگرێن پارتی و هه‌موو خه‌لكێ كوردستانێ دكه‌م ب تایبه‌ت سه‌ركه‌فتنا نوونه‌رێ، كورد ل كه‌ركوكا دلێ كوردستانێ و جاره‌كا دی سه‌لماند پێناسا كه‌ركوكێ كوردستانه.
سه‌ركه‌فتنا كاندیدێن پارتی ل كه‌ركوك ب وێ رێژا بلند ئاماژه‌یه بۆ وه‌فادارییا خه‌لكێ كه‌ركوكێ بۆ رێبازا پیرۆزا بارزانی و به‌رخودانا كورداتییێ.
مه‌سرور بارزانی دیار ژی كرییه، سوپاسییا خوشك برایێن ئێزدی دكه‌م ل ناڤچێن خوه و بتایبه‌ت ده‌ڤه‌را شنگالێ پشته‌ڤانییا خوه یا بهێز بۆ پارتی دوپاتكرن كو ب پشتراستیڤه پارتی وه‌ك هه‌رجار دێ به‌رگرییه‌كا بهێز ل مافێن وان كه‌ت.
هه‌روه‌سا پیرۆزباهییێ ژ ئالییێن دی یێن سه‌ركه‌فتی دكه‌م و هیڤی دكه‌م ئه‌و هه‌موو پێكڤه بشێین ل پیناڤ به‌رژه‌وه‌ندیێن بلندێن گه‌ل و نشتیمانی كاربكه‌ین بۆ بجهئینانا ته‌مام یا ده‌ستور و بجهئینانا سه‌قامگێرییا سیاسی، ئابوری و ئێمناهی و شه‌راكه‌تا راسته‌قینه ل سه‌ر ئاستێ ئیراقێ ب ئارمانجا بهێزتركرنا په‌یوه‌ندیێن هه‌رێما كوردستانێ و حكومه‌تا فیدرال.
