نێچیرڤان بارزانی ب هه‌لكه‌فتا سه‌ركه‌فتنا هه‌لبژارتنێن جڤاتا نوونه‌رێن ئیراقێ په‌یامه‌ك به‌لاڤكر و تێدا پیرۆزباهی ل هه‌موو هێز و لایه‌نێن سییاسی ل هه‌رێما كوردستانێ و ئیراقێ كرییه.
د په‌یاما خوه دا، سه‌رۆكێ هه‌رێما كوردستانێ راگه‌هاندییه: ئێدی ئیراق و هه‌رێما كوردستانێ دێ به‌ره‌ف قوناغه‌كا نوو چن و ئه‌نجام ب هه‌ر شێوه‌یه‌كێ بن، ئه‌م هه‌موو سه‌ركه‌فتینه و پێدڤییه ئه‌م هه‌موو ئه‌رك و به‌رپرسیاره‌تییا هه‌ڤبه‌ش ب ستویێ خوه‌ڤه بگرن بۆ قوناغا داهاتی.
نێچیرڤان بارزانی، سه‌رۆكێ هه‌رێما كوردستانێ د په‌یاما خوه دا راگه‌هاندییه ژی: ئه‌ركێ هه‌موو هێز و لایه‌نێن سیاسی یێن كوردستانێ یه پێكڤه ئێكرێز بن و كار بكه‌ن بۆ نها و پاشه‌رۆژه‌كا باشتر بۆ هه‌رێما كوردستانێ و ئیراقێ و بۆ ڤێ مه‌ره‌مێ دێ دگه‌ل هێز و لایه‌نێن ئیراقی هه‌ڤكار بین.
سه‌باره رێژا پشكداریكرنێ د هه‌لبژارتناندا سه‌رۆكێ هه‌رێما كوردستانێ راگه‌هاندییه: پێدڤییه بۆ هه‌موویان د حكومه‌تێ دا و هێز و لایه‌نێن سیاسی وانه‌یه‌ك بیت بۆ پێداچوونه‌كا جددی بكه‌ن بۆ ئاڤاكرنا باوه‌ریێ و ببیته هانده‌ره‌ك بۆ كار و خزمه‌تێن زێده‌تر
