كارگێریا زاخۆ دێ هێته‌ گوهورین و عه‌بدولوهاب محه‌مه‌د دێ پشته‌ڤانیا كارگێریا نوو كه‌ت

تایبه‌ت ئاژانسا خانى:
چاڤه‌رێ دهێته‌كرن ل ماوێ بهێت هه‌لبژارتنێن یانان ل كوردستانێ بهێنه‌كرن و ل دوویڤ دووماهیى پێزانین ل به‌ر ده‌ستێ ئاژانسا خانى كه‌ڤتین كارگێریا یانا زاخۆ یا نوكه‌ ناهێنه‌ هه‌لبژارتن بوو ده‌سته‌یا نوو یا كارگێریێ و ل جهێ وان دێ چه‌ند كه‌سێن نوو هێنه‌ ده‌ست نیشانكرن كو بۆ پوستێ سه‌رۆكاتیا یانێ بلند شه‌فیق هاتییه‌ ده‌ست نیشانكرن ئه‌و دێ ل ماوێ بهێت بیته‌ سه‌رۆكێ یانا زاخۆ .
ژێده‌ره‌كێ نێزیك ژ ره‌وشێ بۆ ئاژانسا خانى دیاركر سه‌رۆكێ به‌رێ یێ یانا زاخۆ عه‌بدلوه‌هاب محه‌مه‌د عیسا ژێ پشته‌ڤانیا خوه‌ بۆ ده‌سته‌یا نوو یا كارگێریا یانێ دیاركرییه‌ و دێ یێ نێزیكى ره‌وشا یانێ بیت ل ماوێ بهێت و دبیت وه‌كو سه‌رۆكێ فه‌خرى یێ یانێ بهێته‌ ده‌ست نیشانكرن.
زێده‌تر ئه‌وى ژێده‌رى ئاشكراكر ژى چه‌ندین به‌رپرسێن باژێرێ یێن حكومى و حزبى سوزداینه‌ یانا زاخۆ بنه‌ پشته‌ڤان بوو ئه‌وان و ناڤێ زاخۆ بلند بكه‌ن ل خولێن عیراقێ و كوردستانێ و كو ژ ئه‌وان به‌رپرسان ئیدارا سه‌ربه‌خویا زاخۆ ژى .