سه‌رۆكێ نوینه‌راتیا حكومه‌تا هه‌رێما كوردستانێ ل به‌غدا راگه‌هاند: بریاربوو به‌رى سه‌رێ سالێ سه‌رۆكێ هه‌رێما كوردستانێ سه‌ره‌دانا به‌غدا بكه‌ت، به‌لێ سه‌ره‌دان هاته پاشئێخستن بۆ ده‌مه‌كێ دى.
فارس عیسا گۆتى ژى كو نێچیرڤان بارزانى د سه‌ره‌دانا خویا چاڤه‌رێكرى دا بۆ مه‌به‌ستا لێكنێزیكرنا هه‌ولێر و به‌غدا بوو، و دگه‌ل حیزب و لایه‌نێن سیاسێن ئیراقێ كومببیت.
هه‌رچه‌نده د میدیاێن ئیراقی دا وه‌سا به‌لاڤكرییه كو سه‌ره‌دانا نێچیرڤان بارزانى بۆ ئیمزاكرنا رێككه‌فتنا هه‌ولێرێ و به‌غدا بوو و ل سه‌ر قانونا بۆدجا 2021ێ یا ئیراقێ، به‌لێ فارس عیسا ئه‌ڤ چه‌نده ره‌تكرییه كو سه‌ره‌دانا وى بۆ ڤێ مه‌به‌ستێ بیت.
رۆژا دووشه‌مبى شاندێ دانوستاندنكار یا هه‌رێما كوردستانێ سه‌ره‌دانا په‌رله‌مانێ كوردستانێ كربوو، قوباد تاله‌بانى، سه‌رۆكێ شاندێ دانوستانكار یا هه‌رێما كوردستانێ ل په‌رله‌مانێ كوردستانێ راگه‌هاندبوو، ل به‌غدا مووچه و مافێ دارایى یا خه‌لكێ كوردستانێ ب سیاسى قه‌له‌م دایه، و ئه‌گه‌ر ئه‌م مالا خۆ كوردستانێ ریێكنه‌ئێخین تشته‌ك ب ناڤێ قه‌وارا هه‌رێما كوردستانێ نامینیت.
