سه‌رۆك كۆمارێ ئیرانێ كورده‌كێ سوننی كرییه‌ شیره‌تكارێ خوه‌

سه‌رۆك كۆمارێ ئیرانێ كورده‌كێ سوننی مه‌زهه‌ب بناڤێ عه‌بدولسه‌لام كه‌ریمی وه‌ك شیره‌تكار بۆ كاروبارێن پێكهاتان و كه‌مینه‌یێن ئایین و مه‌زهه‌بان دامه‌زراند.

سه‌رۆكاتییا كۆمارا ئیرانێ د راگه‌هاندنه‌كێدا دیاركریه‌؛ ئیبراهیم ره‌ئیسی سه‌رۆك كۆمارێ ئیرانێ شیره‌تكارێ كاروبارێن پێكهاتان و كه‌مینه‌یێن ئایین و مه‌زهه‌بان دامه‌زراند.

عه‌بدولسه‌لام كه‌ریمی ل سالا 1967 ل باژارێ سنه‌ ژ دایك بوویه‌ و باوه‌رناما دكتورایێ ب زمان و ئه‌ده‌بێ عه‌ره‌بی وه‌رگرتییه‌، پێشر وه‌ك قایمقام، سه‌رۆكێ زانكۆیێ و رێڤه‌به‌رێ سه‌نته‌رێ زانستێن ئیسلامی كار كرییه‌.