راپۆرته‌كا رۆژناما (تایمز ئۆف ئسرائیل) راگه‌هاندییه كو پشتی راگرتن بۆ ده‌مێ دو سالان، جاره‌كا دی هێزێن ئاسمانی یێن ئسرائیلێ مه‌شق و راهێنانێن خوه ده‌ستپێكرن بۆ ئه‌نجامدانا هێرشێن ئه‌سمانی دژی پێگه‌هێن ئه‌تۆمی یێن ئیرانێ.
ل گۆره‌ی راپۆرتێ، ئه‌فیف كۆخافی سوپاسالارێ ئسرائیلێ فه‌رمان كرییه كو پشته‌ڤانی ل ڤێ پێنگاڤا ئسرائیلێ بهێته كرن پشتی ئه‌مریكا سه‌رنه‌كه‌ڤتی ئیرانێ بینیته سه‌ر مێزا دانۆستاندنان.
راپۆرتا تایمز ئۆف ئسرائیل راگه‌هاندییه ژی: ره‌نگه ئه‌مریكا و ئسرائیلێ پلانه‌كا توند تر هه‌بیت ئه‌گه‌ر هه‌ولێن وان یێن دبلوماسی شكه‌ستن ئینان.
حكومه‌تا ئسرائیلێ به‌ری چه‌ند رۆژان رازه‌مه‌ندی لسه‌ر مه‌زاختنا بودجه‌یه‌كا 1.5 ملیار دۆلاری دایه بۆ ئارمانجگرتن و رێگریكرن ژ به‌رنامێ ئه‌تۆمی یێ ئیرانێ
