ڤلادیمیر پوتین، سه‌رۆكێ رووسیا سه‌باره‌ت ره‌وشا ئه‌فغانستانێ و په‌یوه‌ندیێن وی دگه‌ل جڤاكا ناڤده‌وله‌تی روونكرنه‌ك دایه كو ئه‌وان لبه‌ره تالیبانێ ژ لیستا تیرۆرێ بینیته ده‌ر.
سه‌رۆكێ رووسیا ل كۆربه‌ندێ ڤالدای راگه‌هاند؛ بۆ باشتركرنا ره‌وشا ناڤخوه ل ئه‌فغانستانێ ئه‌و دێ هه‌ماهه‌نگیێ دگه‌ل تالیبان كه‌ن.
پوتینی گوت ژی: چاڤه‌رێ دكه‌ین تالیبان ره‌وشا وه‌لاتێ خوه به‌ره‌ف باشتر ببه‌ن و ل وی ده‌می ب بریاره‌كا ب كۆم دێ ناڤێ وان ژ لیستا تیرۆرێ ئینینه ده‌ر.
دوهی ل برۆكسل یا په‌یته‌ختێ به‌لجیكا كۆمبوونا وه‌زیرێن به‌رگریێ یێن وه‌لاتێن ناتۆ ده‌ستپێكر و بابه‌تێ وان یێ سه‌ره‌كی ره‌وشا نها یا ئه‌ڤغانستانێیه.
وه‌لاتێ رووسیا ژ سالا 2003ێ وه‌ره رێكخراوا تالیبان كرییه ناڤا لیستا تیرۆرێ دا، لێ تا نها چه‌ندین جاران گفتوگو دگه‌ل نوونه‌رێن تالیبانێ كرینه.
