لژنا بلندا رووبرووبوونا كۆرۆنایێ كۆمبوو و هنده‌ك بریاردان

دكتۆر جۆتیار عادل په‌یڤدارێ حكومه‌تا هه‌رێما كوردستانێ ل دۆر وان بریاران راگه‌هاند، خاندن دێ یا به‌رده‌وام بیت، لێ دڤێت ل دووڤ رێنمایێن ساخله‌میێ بیت:

بریارێن لژنا بلند رووبرووبوونا كۆرۆنایێ:

ئێك: به‌رژه‌وه‌ندیا كه‌سوكارێن قوتابیان ل به‌رچاڤ هاتییه‌ وه‌رگرتن، خاندن ل هه‌می ناڤه‌ندێن سه‌ر ب وه‌زاره‌تا په‌روه‌ردێ و خاندنا بلند دێ یا به‌رده‌وام بیت، ئه‌و ژی ب چه‌ند مه‌رجه‌كان كو پێدڤییه‌ ماسك ب شێوه‌یه‌كێ نه‌چاری ل هه‌می جهێن سه‌ر ب هه‌ردوو وه‌زاره‌تێن په‌روه‌ردێ و خاندنا بلند بهێته‌ به‌ستن.

دوو: بكارئینانا ماسكێ دێ بیته‌ نه‌چاری ل هه‌می جهێن گشتی و سازییێن حكومی و تایبه‌ت.

سێ: ئه‌وێن د كه‌رتێن مه‌ده‌نی و سه‌ربازیدا ده‌وامێ دكه‌ن، پێدڤییه‌ ڤاكسینێ وه‌ربگرن و ئه‌و كه‌سێ هه‌تا 01-01-2022 ڤاكسینێ وه‌رنه‌گریت، دێ لێپرسین دگه‌لدا هێته‌كرن.