سه‌رۆك بارزانى پێشوازی ل باڵیۆزێ ئەمریکا ل عێراقێ کر

سەرۆك مەسعود بارزانی، ئه‌ڤرۆ دووشه‌مبى 25-10-2021 ل سەلاحەددین پێشوازی ل “ماتیو تولەر”، باڵیۆزێ ئەمریکا ل عێراقێ کر.

د دیدارێدا باڵیۆزێ ئەمریکا ل عێراقێ پیرۆزباهیا سەرکەفتنا پڕۆسەیا هەڵبژارتنێن جڤاتا نوونه‌رێن عێراقێ و سەرکەفتنا به‌ربژارێن پارتی دیموکراتی کوردستان ل سەرۆک بارزانی کر، هیڤیا هندێ خواست کو ئەنجامێن هەڵبژارتنان ببیتە ئه‌گه‌رێ سەقامگیریێ ل عێراقێ و راستەڕێبوونا پڕۆسەیا سیاسی. جەخت ژى كر کو هه‌ڤپشكییا وه‌ڵاتێ وى دگەل هەرێما کوردستانێ ستراتیژییە و هه‌ڤكارییه‌ بۆ سەقامگیرییا عێراقێ و ده‌ڤه‌رێ.

هه‌ر د وێ كۆمبوونێدا بیرورا ده‌رباره‌یى قوناغا پشتى هه‌لبژارتنان و پێكئینانا حكومه‌تا نوو یا عیراقێ هاته‌ ئالوگۆركرن و جه‌خت ل سه‌ر به‌رچاڤ وه‌رگرتنا پره‌نسیپێن شه‌راكه‌تا راسته‌قینه‌ هاتییه‌ كرن.

ره‌وشا سووریێ و هه‌ره‌شه‌یا تیرۆرێ ل سه‌ر ئاستێ عیراقێ و ده‌ڤه‌رێ ته‌وه‌ره‌كێ دیێ كۆمبوونێ بوون.