سەرۆك مەسعود بارزانی ئه‌ڤرۆ پێشوازی ل ڤیکتۆر ریباک بالیۆزێ بیلارووسیا ل ئیراقێ کر.
مەسعود بارزانی و بالیۆزێ بیلارووسیا پرۆسا سیاسى، هه‌لبژارتنێن مه‌ها ئۆكتۆبه‌رێ، قۆناغا پشتى هه‌لبژارتنان، په‌یوه‌ندیێن دناڤبه‌را هه‌رێما كوردستانێ و بیلارووسیا، بابه‌تێ كۆچ و هه‌ماهه‌نگییا ناڤده‌وله‌تى گۆتۆبێژكرن.
سەرۆك بارزانی دووپات ل پرسا كۆچ و كۆچبه‌ران كر و دیاركر، پێدڤییه هه‌موو ئالى پێگریێ ب ره‌هه‌ندێن مرۆڤایه‌تیێ و پاراستنا ژیانا ژن و زارۆك و كۆچبه‌ران بكه‌ن.
