جێگرێ سهرۆكێ جڤاتا نوونهرێن ئیراقێ راگههاند: چاڤهرێ دهێتهكرن كو د یاسایا بۆدجێ دا پشكا ههرێما كوردستانێ ل دووڤ رێككهفتنا دناڤبهرا ههولێر و بهغدا و پابهندبوونا ههردوو لایان ب دهستوورى بهێته جێگیر كرن.
د. بەشیر خەلیل حەداد، جێگرێ سەرۆکێ جڤاتا نوونەرێن عێراقێ ئهڤرۆ سێشهمبى 29-12-2020ێ د راگههاندنهكێ دا بهلاڤكرییه كو ئهڤرۆ پروژێ قانونا بۆدجا سالا 2021ێ گههشتییه جڤاتا نوێنهران و ل دهستپێكا سالا داهاتى پهرلهمان بۆ دانوستاندنێ دێ ل سهر وێ چهندێ كومبیت.
بەشیر حەداد، ئاماژه ب وێ چهندێ ژى دا كو دانوستاندن ل سهر پرۆژێ وێ قانونێ بۆ ماوێ 20 رۆژان تا ههیڤهك دێ پێ چیت و جڤاتا نوینهران ژى د شێن گورانكاریان د ناڤهرۆكا قانونێ دا بكهن، گۆت ژى ئهو گورانكارى بۆ پاراستن و پهرژهوهندییا فهرمانبهران و تهخا ههژارانه.
جێگرێ سەرۆکێ جڤاتا نوێنەرانێن ئیراقێ ئهو چهنده ژى دیاركر: كو بۆ مهرهما دانوستاندنێ و تهمام كرنا چهند پرۆژه قانونهكێن گرنگ دناڤبهرا واندا ئێك ژ وان ژى پرۆژه قانونا بودجا گشتى یا سالا 2021ێ ل ئیراقێ،
پرۆژێ بودجا سالا 2021ێ یا ئیراقێ، دگههیته كوژمێ 164تریلیون دیناران و پشكا ههرێما كوردستانێ ژى تێدا 13 تریلیون دینارن.
