هاڤسەرۆکێ پێشتر یێ هەدەپێ دیارکر؛ ب راستەوخۆ و نەراستەوخۆ من و هەدەپێ پەیوەندی ب پەکەکێ ڤە نینە.
سەلاحەدین دەمیرتاش هاڤسەرۆکێ پێشتر یێ پارتا دیموکراتا گەلان بۆ ئاژانسا ئەلمانیا راگەهاند: من و هەدەپێ ب راستەوخۆ و نەراستەوخۆ پەیوەندی ب پەکەکێ ڤە نینە، هەدەپە تنێ ب رێکا ئاشتیێ ئاریشان چارەسەردکەت بێ خوین رێشتن و تۆندوتیژیێ.
سەلاحەدین دەمیرتاش گۆت: هیڤیدارم ژ حکومەتا نوی یا ئەلمانیا، رەوشا خراب یا مافێن مرۆڤی ل تورکیا بەرچاڤ وەربگرن و لسەر بنەمایێن مافێ مرۆڤی ل ئەلمانیا و ئەوروپا سیاسەتێ بکەن.
هاڤسەرۆکێ پێشتر یێ هەدەپێ دیارکر: ئەردۆغان ب راستەوخۆ دادگا و دادوەران دەستنیشان دکەت یێن ل ژێر کۆنترۆلا وی، ژبەرهندێ بێ ئومێدم ژ دەرچوونا بریارەکا ئەرێنی د بەرژەوەندییا من دا.
سەلاحەدین دەمیرتاش ل 4ی چریا دووێ سالا 2016 ل گرتیخانا ئەدیرنە ب تۆمەتەکا تیرۆری هاتییە زیندانکرن.
