بشار ره‌مه‌زان : یێ گه‌شبینم رێزه‌كا باش دخولا عێراقێ دا بده‌سڤه‌بینین

ئاژانسا خانى : عامر حه‌سه‌ن

تیما یانا دهۆك یا ته‌پا سه‌رمێزێ ئه‌ڤه‌ بۆ ده‌مه‌كییه‌ یه‌كێن خوه‌ یێن راهێنانێ ل هولا یانێ ئه‌نجامده‌ن ژبۆ خوه‌ به‌رهه‌ڤكرنێ بۆ قوناغا دووماهیێ ژ قاره‌مانییا خولا عێراقێ یا ته‌پاسه‌رمێزێ بۆ یانێن پلا نایاب ل سه‌ر ئاستێ پێگه‌هشتیان ئەوا چاڤەرێ یە ل دەسپێکا هەیڤا بهێت هەڤرکیێن وێ بهێنە کرن.

ل دۆر به‌رهه‌ڤییا تیمێ بشار ره‌مه‌زان، راهێنه‌ر یانێ بۆ ئاژانسا خانى گوت: پشتى ئه‌م بووینه‌ قاره‌مانێن قوناغا ئێكێ ل ده‌ڤه‌را ژۆریا كوردستانێ مه‌ دووباره‌ به‌رده‌وامى دانه‌ راهێنانێن خوه‌، تا راده‌یه‌كێ باش یاریزانێن مه‌ مفایه‌كێ باش ژێ وه‌رگرتییه‌، مه‌ لبه‌ره‌ ژى ل ڤان رۆژێن بهێنت هنده‌ك یاریێن هه‌ڤالینى بكه‌ین بۆ هندێ خالێن لاوازیێ ل ده‌ڤ وان چاره‌سه‌ر بكه‌ین.

هه‌روه‌سا ل دۆر چه‌نسێ تیمێ گوت: یێ گه‌شبینم دێ رێزه‌كا باش دخولێ بده‌سڤه‌ئینین، هه‌رچه‌نده‌ هه‌موو تیمێن ده‌ربازبووى خودان شیانن، به‌لێ هه‌ر دێ مینیت شیانێن یاریكه‌رێن مه‌ و خوه‌جهییا ئاستێ وان.

 هه‌شت تیم دێ هه‌ڤركیێ ل سه‌ر ناسناڤێ قاره‌مانیێ كه‌ن ژبۆ دیاركرنا قاره‌مانا عێراقێ ل ڤى وه‌رزى .