ژ ئەگەرێ لاوازییا ھێزێن ئیراقی، داعش بەردەوام ب ھێزتر دکەڤیت و ھێرشان دکەنە سەر وەلاتیێن سڤیل و ھێزێن ئیراقی.
ئەکبەر حەیدەر، جێگرێ بەرپرسێ لقێ پازدە یێ پارتی دیمۆکراتی کوردستان ل خانەقین بۆ خانی نیوز راگەھاند، داعش ل خانەقین و دەوروبەرێن وێ بەردەوام خۆە بھێز دکەن، نھا ب ئاشکەرایی ھاتنوچوونێ دکەن و ھێرشان دکەنە سەر وەلاتیێن سڤیل و ھێزێن ئیراقێ و باجێ ژ خەلکی وەردگرن.
گۆت ژی، شەڤا بووری ل گوندێ ئو‌م حنتە سەر ب ناحیا جەلەولا ڤە، تیرۆرستێن داعشێ وەلاتییەک ب ناڤێ سالح حاجی خەلەف ب چەکێ نیشانگر بریندارکرییە و رەوشا ساخلەمییا وی نەیا جێگیرە.
ئاماژە ب وێ یەکێ ژی کر، داعشێ مفای ژ ڤالاتییا ئەمنی دبینیت یا دناڤبەرا ھێزێن پێشمەرگەی و ھێزێن ئیراقی دا ھەی، بەردەوام چەکداران کۆم دکەن و پێگەھێ خۆە یێ سەربازی ب ھێز دئێخن، نھا ب ھەمی جۆرێن چەکێن گران و سڤک ھێرشێن خوە دکەن.
داعش ل دەڤەرێن دەرڤە یێن ئیدارا ھەرێما کوردستانێ ھێرشان دکەنە سەر وەلاتیێن کورد، وەلاتی ژی بۆ پاراستا گیانێ خوە گوندێن خۆە چوول دکەن و ئەرەبێن سوننە ژی ھاریکارییا تیرۆرستێن داعشێ دکەن بۆ داگیرکرنا خانی و ئەردێن کوردان.
خانى نیوز، عه‌زیز هه‌ورامى
