سەرۆکێ کومسیونا ئێکەتییا ئەورۆپا راگەهاند، ئێکەتییا ئەورۆپا 3 ملیۆن و 500 هزار یۆرۆ بۆ وان کۆچبەرێن حەزا ڤەگەریانێ هەی ل بیلاروسیا هاتنه نهرخانكرن.
ئۆرسولا ڤۆن دێرلاین: سهرۆكێ كۆمسیۆنا ئێكهتییا ئهورۆپا د پشكداریكرنا روونشتنا پهرلهمانێ ئهورۆپادا ل سترازبۆرگ، ل دۆر كۆچبهرێن سنورێن بیلاروسیا گۆتارهك پێشكێشكر و دووپاتكر ئیكهتییا ئهورۆپا بزاڤێ دكهت هاریكاریێن مرۆڤی بۆ كۆچبهران دابین بكهت، و ژلایهكیڤه دگهل وان وهلاتێن ژێدهرێن ڤهگوهاستنێ د بزاڤهكا دیبلوماسى یا رژد دایه، و ژنێزیكڤه چاڤدێرییا قاچاخچیهتییێ ب مرۆڤان و ههلسهنگاندن بۆ ههلبژارتنا سهپاندنا سزایان دكهن.
دێرلاین گۆت، ئەو پێشوازییێ ل لێكتێگههشتنا دگهل ئیراقێ دكهن، لێ ژمارهیهكا دى یا زۆر یا كۆچبهران كهفتینه بوسهیان، و ئەو پێكڤه دگهل سازییێن نهتهوێن ئێكگرتى كار ل سهر بابەتێ کۆچبەران دكهن بۆ ڤهگهراندنا مالێن وان.
هژمارهكا زێده یا كوچبهران ژ وهلاتیێن ئیراقێ و ههرێما كوردستانێ ل سنوورێ د ناڤبهرا بیلاروسیا و پۆلهندادا ماینه ئاسێ، ل حهفتییا بورى ژى زێدهترى 400 كۆچبهران ب ههڤكارى دگهل حكومهتا ههرێما كوردستانێ و حكومهتا فیدرال بۆ ههولێر و بهغدایێ هاتنە ڤهگهراندن.