مهسرور بارزانى سهرۆكێ حكۆمهتا ههرێما كوردستانێ ب ههلكهفتا رۆژا جیهانیا نههێلانا توندوتیژیێ دژى ئافرهتان و دهسپێكرنا ههوهكا 16 رۆژى بۆ بهرهنگاربوونا توندوتیژیێ دژى ئافرهتان، پیگیریا حكۆمهتێ بۆ درێژه پێدان ب پشتهڤانیكرنا مافێن ئافرهتان و نههێلانا ههموو جورێن جیاوازیێن رهگهزى و نههێلانا توندو تیژیێ ب گشتى و توندوتیژییا ئافرهتان ب تایبهتى دوپات دكهین.
مهسرور بارزانى سهرۆكێ حكۆمهتا ههرێما كوردستانێ گوت: حكومهتا ههرێمێ كاردكهت ژ پێناڤ پهیداكرنا جههكێ ئارام، ئافرهت تێدا یا پاراستى بیت، كو ب رهنگهكێ باش بشێن د ههمو بوارێن ژیانێ د كومهلگههێدا بهشداربن. حكومهتا ههرێمێ پابهنده ب پاراستن و بهرگریكرن ژ مافێن ئافرهتا و ب هێزكرنا پێگههێ وان دناڤ حكومهتێ و كۆمهلگههێ و گرنگیپێدان كلتور و رێزگرتن ل بنهمایێن مافی مرۆڤى و یهكسانى و دادپهروهرى كومهلایهتى و نههێلانا توندوتیژیێ ل سهر بنهمای رهگهزى.
مهسرور بارزانى ئاماژه ب هندێ ژى كر، هیڤیخوازم ههرێما كوردستانێ ب هاریكارییا ههموو لایان، نموونهبیت بۆ پاراستنا مافێن مرۆڤى ب گشتى و نههێلانا ههموو جۆرێن توندوتیژیێ بیت، ب تایبهت ل سهر بنهمایێ جێندهرى.