کونسۆلێ گشتیێ ئۆردنێ قوربانیدانا هێزێن پێشمەرگەی بلند نرخاند

سەرۆك مەسعود بارزانی ئه‌ڤرۆ پێشوازی ل فواد مەجالی کونسۆلێ گشتیێ ئۆردنێ ل هەولێرێ و شاندێ دگه‌ل کرد.

سەرۆك بارزانی و فواد مەجالی، په‌یوه‌ندیێن دیرۆكێ دناڤبه‌را كوردستان و شانشینا ئۆردنێ، دۆستایه‌تیا دێرین یا سه‌ركردێن هه‌ردوو لایان، ره‌وشا ئیراقێ، پرۆسا سیاسى و پێشڤه‌برنا پەیوەندیێن د بوارێن جودا گۆتۆبێژكرن.

کونسۆلێ گشتیێ ئۆردن دیاركر؛ سەرۆك بارزانی رۆله‌كێ باش هه‌بوویه‌ د خەباتا گەلێ کوردستانێ بۆ گەهشتن ب ئازادی و ب ده‌ستڤه‌ئینانا سەقامگیریێ ل هەرێما کوردستانێ، هەروەسا قوربانیدانا هێزێن پێشمەرگەی د شەڕێ تیرۆرستێن داعش بلند نرخاند و سوپاسیا هەرێما کوردستانێ کر بۆ وه‌رگرتنا سەدان هزار ئاواره‌یان.