<h3><span style="font-size: 18pt;">وهزیرێ ساخلهمییێ ل ههرێما كوردستانێ راگههاند، د ئهڤسالهدا 69 توشبوویێن(HIV)ئایدز ل ههرێما كوردستانێ هاتینه تۆماركرن ژوان 58 بیانینه.</span></h3> <h3><span style="font-size: 18pt;">د. سامان بەرزنجی، وهزیرێ ساخلهمییێ ل ههرێما كوردستانێ ل رۆژا جیهانییا ئایدزێ د كۆنگرهكێ رۆژنامهڤانیدا راگههاند: كارێن پێدڤى بۆ دهستنیشانكرن و دیتنا حالهتێن تووشبوون ب ئایدزێ دكهین، یا ژ ههمیان گرنگتر ئهو بیانیێن دمینن و سهردهدانا وهلاتى دكهن بۆ وهرگرتنا مافێ ئاكنجیبوونێ، مهرجێ سهرهكى پشكنینا خۆینێیه، ئێك ژوان پێدڤییه پشكنینا ئایدزێ بكهن.</span></h3> <h3><span style="font-size: 18pt;">د. سامان بەرزنجی گۆت</span><span style="font-size: 18pt;">، پێدڤییه بهرى پرۆسێسا ههڤژینیێ ئهڤ پشكنینه بهێتهكرن، ئهو كهسێن خۆینێ ددهن یان وهردگرن، ب تایبهت نهخۆشێن تهلاسیمایێ كو بهردهوام خۆینێ وهردگرن، پێدڤییه وێ پشكنینێ بكهن.</span></h3> <h3> <span style="font-size: 18pt;">وهزیرێ ساخلهمیا ههرێمێ دیاركر، سالا 2021 ل ههرێمێ زێدهتر ژ 318 هزار پشكنینێن ئایدزێ هاتینهكرن، دناڤ واندا 69 حالهت پۆزهتێف بوون، بتنێ 11 حالهت ژوان وهلاتایێن ئیراقێ بوون ل ههرێمێ،</span> 48 تووشبوویێن بیانى ل ههرێمێ و باجێن تایبهت و فایلێن تایبهت یێن ههین و ل ژێر چاڤدێرییا ساخلهمیێدانه.</h3>