ئاگربه‌ربوو ئۆفیسا دادوه‌ره‌كى ل جڤاتا دادوەریی

جڤاتا دادوه‌رییا هه‌رێما كوردستانێ د رۆنکرنەکێدا ڕاگەهاند، ئاگر به‌ربوو ژوورا دادوه‌رەکى و ب تنێ زیانێن ماددی هەبوون.
ل دووڤ ڕوونكرنا جڤاتا دادوه‌ری، ل سپێدەهیا ئەڤرۆ رۆژا شه‌مبی ئاگر ب ژوورا دادوه‌رەکێ دادگەها پێداچوونا هه‌رێما كوردستان ل قاتێ دووێ یێ ئاڤاهیێ جڤاتا دادوه‌ری کەفتیە پشتی ئاگەهداركرنا تیمێن ئاگرڤەمڕاندنێ گەهشتنە جهێ روودانێ و هەر زووی ئاگر هاتییه‌ کونترۆلكرن، د وێ روودانێدا چ زیانێن گیانی نه‌بوون و بتنێ زیانێن ماددی ل دویڤ خو هێلاینە.‌
جڤاتا دادوه‌رییا هه‌رێما كوردستانێ دیاركر، لژنه‌ك بۆ ڤەکۆلین و پێداچوونێن وێ روودانێ پێکئینایە و پشتی دووڤچوونێ دێ ئەنجامان ڕاگەهینن.