هه‌رێما كوردستانێ وه‌كى وه‌لاتێن جیهانى یێن پێشكه‌فتى دێ بیمه‌یا ساخله‌مییێ بۆ وه‌لاتییان ده‌رئێخیت و ئه‌ندامه‌كێ لژنا ساخله‌مییێ ل په‌رله‌مانێ كوردستانێ دبێژیت: پشتى دروستكرنا بیمه‌یێ دێ وه‌لاتى مفاداربن ژ وه‌رگرتنا چاره‌سه‌ریێ.
به‌ختیار شوكرى، ئه‌ندامێ لژنا ساخله‌مییێ ل په‌رله‌مانێ كوردستانێ راگه‌هاند، حكومه‌تا هه‌رێما كوردستانێ مژویلى به‌رهه‌ڤكرنا پرۆژێ قانوونا بیمه‌یا ساخله‌مییێیه بۆ وه‌لاتیێن هه‌رێما كوردستانێ و پشتى ته‌مامبوونێ دێ پرۆژه هێته هنارتن بۆ په‌رله‌مانى و پشتى هینگێ دێ كه‌ڤیته دناڤ كارناما كومبوونێن په‌رله‌مانیدا.
ئه‌ندامێ په‌رله‌مانى گۆت ژى، مه‌ره‌م ژ وى پرۆژه‌ى ئه‌وه وه‌لاتییێن هه‌رێما كوردستانێ وه‌كى وه‌لاتییێن جیهانێ ببنه خودان بیمه‌یا خوه یا ساخله‌مییێ و مفادابن ژ خزمه‌تگوزاریێن ساخله‌مییێ.
