سه‌رۆكێ ده‌سته‌یا وه‌به‌رهێنانا هه‌رێما كوردستانێ، ئامارێن كار و چالاكیێن سالا 2021 و پلانێن سالا 2022 به‌رچاڤكرن و ڕاگه‌هاند: ل سالا 2021 مۆله‌ت ب 68 پرۆژان،ب كوژمێ هه‌شت ملیار و 500 ملیۆن دۆلاران دایه.
محمد شوكرى ، سه‌رۆكێ ده‌سته‌یا وه‌به‌رهێنانا هه‌رێما كوردستانێ ئاماژه ب هندێ ژى كر، 2021 ساله‌كا باشبوو بۆ وه‌به‌رهێنانێ ژبه‌ر كۆ ئه‌و پارێ ل وه‌به‌رهینانێ هاتیه مه‌زاختن نێزیكى وى پارێ سالا 2013 بۆ، ئه‌و سال توپا وه‌به‌رهێنانێ بۆ ل هه‌ڕێما كوردستانێ، دیاركر سالا 2021 موله‌ت ب 68 پرۆژان دایه ب گوژمێ هه‌شت ملیار و 500 ملیۆن دولاران، زوربه‌یا وان وان د بوارێ چاندن ، پێشه‌سازى و گه‌شتوگوزارێ بوون، بتنێ سێ پروژه یێن ئاكنجیبوونێ بوون.
گوت ژى، 902 پرۆژێن دى یێن وه‌به‌رهێنانێ ب گوژمێ 20 ملیار دۆلاران هاتیینه په‌سه‌ندكرن ، هیڤیدارین ب ڕێكا ڤان پرۆژان قه‌باره‌یێ وه‌به‌رهێنانێ بهێته گه‌شه‌كرن و ده‌رفه‌تێن كارى زێده‌تر بهێنه دابینكرن، پێدڤیه دهه‌ر پرۆژه‌یه‌كیدا 75% كرێكارێن نافخۆى تێدا كاركه‌ن.
