بەلاڤبوونا ڤایرۆسێ کۆرۆنایێ ژ دەستپێکا سالا ٢٠٢٠ێ دا کۆنگرەیێ سێ حزبێن کوردستانى پاشئێخست و بریارە ل سالا ٢٠٢١ێ کۆنگرە بھێنە گرێدان.
بریاربوو پارتییا دیموکراتا کوردستانێ ل سالا ٢٠٢٠ێ دا کۆنگرەیێ خوه یێ ١٤ گرێدەت، ھەر چەندە پتریا بهرههڤییان ژی تەمام ببوون ل دووڤ بەرنامێ حزبێ، بریار بوو کۆنگرێ ١٤ێ یێ پارتی ل ١١-١٢-٢٠١٤ێ هاتبا گرێدان، بەلێ ل رۆژا ٩ کانوونا ئێکێ ل سالا 2020ێ ئەنجومەنێ سەرکردایەتیێ کۆمبوو و د تەوەرێ پێنجێ یێ وێ کومبوونێ دا بەحسێ بارێ ناڤخوهیی و رێخخستنا وێ حزبێ ھاتبوو کرن و بریارا پاشئێخستنا کۆنگرێ 14ێ ھاتبوو دان.
تا نوکە پارتییا دیموکراتا کوردستانێ ١٣ کۆنگرە گرێداینە و داوى کۆنگرە ژی کو ل سالا ٢٠١٠ێ بوو کو تێدا مەسعود بارزانی وەک سەرۆک و نێچیرڤان بارزانی وەک جێگرێ سەرۆکی ھاتبوونە ھەلبژارتن.
ھەر ل سالا ٢٠٢٠ێ بریاربوو کۆمەلا ئیسلامییا کوردستانێ ژی گۆنگرێ خوهیێ چارێ گرێبدەت، بەلێ وان ژی ب ھەمان ئەگەر کۆنگرێ خۆ پاشئێخست.
تهڤگهرا ئیسلامییا کوردستانێ ژی، ھەر ئێک ژ وان حزبان بوو کو بریار بوو ل ٢٠٢٠ێ کۆنگرێ خوهیێ ١٢ێ گرێبدەن، بەلێ ئەوا ژی ژبەر ڤایرۆسێ کۆرۆنایێ کۆنگرێ خۆ پاشئێخست و ل چاڤەرێى ئاسایبوونا رەوشێ دکەن.
